Desde o grupo de Gastroenterología Molecular e Celular do Instituto de Investigación Sanitaria de Santiago de Compostela (IDIS) estamos a buscar estudantes que queiran comezar estudos de doutoramento (con posibilidade de financiamento).
Somos un grupo dinámico con diferentes liñas de investigación dirixidas ao estudo da enfermidade inflamatoria intestinal. Por unha banda, tratamos de entender desde a investigación básica novos mecanismos que participan na regulación da inflamación intestinal. Pero tamén traballamos en proxectos máis traslacionais destinados a coñecer por que algúns tratamentos non funcionan correctamente e como se podería corrixir. Para a realización destes estudos usamos gran variedade de técnicas en cultivos celulares, mostras de pacientes e modelos de experimentación animal. Resaltar que no grupo lle damos moita importancia ao desenvolvemento do pensamento crítico e a unha formación a varios niveis.
Requisitos:
• Grao relacionado coa biomedicina: Bioloxía, Biotecnoloxía, Bioquímica, etc.
• Estar en posesión ou finalizando en 2026 un Máster Universitario que de acceso a estudos de doutoramento.