Oferta de tese de doutoramento dirixida a persoas interesadas en solicitar unha axuda predoutoral FPU 2026, no grupo de Xenética do Desenvolvemento Vexetal (DevoLeg) da Misión Biolóxica de Galicia (MBG-CSIC)
O proxecto céntrase no estudo das bases xenéticas e xenómicas do desenvolvemento do froito e da semente na xudía común (Phaseolus vulgaris), mediante a caracterización de mutantes EMS con alteracións reprodutivas. A investigación combinará xenética clásica e molecular, mapeo xenético, xenómica funcional e transcriptómica, con posibles aplicacións á mellora xenética. A oferta está dirixida a persoas tituladas en Bioloxía, Biotecnoloxía, Agronomía, Xenética e disciplinas afíns que cumpran os requisitos da convocatoria.
Prazo de solicitude: 12 de novembro de 2026, ás 14:00 h (hora peninsular española).
A oferta pode consultarse na web do CSIC.